உலகம் முழுவதும் கொரோனா தொற்றால் பாதிக்கப்பட்டோர் எண்ணிக்கை 11.19 கோடியைக் கடந்துள்ளது.
சீனாவில் உள்ள உகான் நகரில் சந்தை ஒன்றில் கடந்த ஆண்டு இறுதியில் வெளிப்பட்ட கொரோனா வைரஸ் உலக நாடுகளை மோசமாக பாதித்து வருகின்றது.
இந்தநிலையில், உலகம் முழுவதுமாக கொரோனாவால் பாதிப்படைந்தோர் எண்ணிக்கை 11.19 கோடி பேரைக் கடந்துள்ள நிலையில், கொரோனா பாதிப்பில் இருந்து இதுவரையில் 8.72 கோடிக்கும் அதிகமானோர் குணமடைந்துள்ளனர்.
அத்துடன் வைரஸ் தாக்குதலுக்கு இதுவரை 24.77 இலட்சத்துக்கும் அதிகமானோர் மரணம் அடைந்துள்ளனர்.
வைரஸ் தொற்றியவர்களில் 2.21 கோடிக்கு அதிகமானோர் சிகிச்சை பெற்று வருகின்றனர். சிகிச்சை பெறுபவர்களில் 93,900 க்கு மேற்பட்டோரின் நிலைமை மிகவும் கவலைக்கிடமாக உள்ளது.
கொரோனாவின் பாதிப்பு அதிகம் உள்ள நாடுகளின் பட்டியலில் அமெரிக்கா, இந்தியா, பிரேசில், ரஷ்யா, பிரிட்டன் ஆகியவை முதல் 5 இடங்களில் உள்ளது குறிப்பிடத்தக்கது…