சுமந்திரன் ஜனாதிபதி அநுரகுமாரிடம் விடுத்த பகிரங்க கோரிக்கை

தமிழ் மக்களின் தேசிய இனப் பிரச்சினைக்கு தீர்வு காண்பது தொடர்பில், ஜனாதிபதி அநுரகுமார திஸாநாயக்க அவர்கள், தனது திட்டங்களை தமிழ் மக்களுக்கு வெளிப்படையாகக் கூற வேண்டும் என எம்.ஏ. சுமந்திரன் (MA Sumanthiran) கோரிக்கை விடுத்துள்ளார்.

தேர்தல் பிரசாரத்தில் உரையாடல்

சுமந்திரன், சாவகச்சேரி பேருந்து நிலைய பகுதியில் நேற்று (09.11.2024) நடைபெற்ற பிரசாரக் கூட்டத்தில் இதனை தெரிவித்தார்.

தமிழர்களுக்கான கோரிக்கை

“முந்தைய ஜனாதிபதித் தேர்தல் பிரசாரத்திற்காக அநுரகுமார திஸாநாயக்க யாழ்ப்பாணம் வந்தபோது, அவர் தமிழ் மக்களிடம் ஒரு கேள்வி எழுப்பினார்,” என அவர் குறிப்பிட்டார்.

“தென்னிலங்கையில் ஓர் அதிகார மாற்றத்துக்கு மக்கள் தயாராகிவிட்டனர். தமிழ் மக்கள் பங்களிக்க வேண்டாமா? பங்களிக்கவில்லை என்ற செய்தியை தென்னிலங்கைக்கு தெரிவிக்காதீர்கள்” என்று அவர் கூறியதாக சுமந்திரன் தெரிவித்தார்.

பதிலளிப்பு மற்றும் நிலமை

“அந்தக் கேள்விக்கு நான் யாழ்ப்பாணத்தில் பதில் அளித்தேன். தென்னிலங்கை மக்கள் எதிர்பார்க்கும் மாற்றத்தில் வடக்கு மற்றும் கிழக்கு தமிழ் மக்கள் பங்களிக்க தயாராக உள்ளனர்,” எனவும் அவர் கூறினார்.

நீதி மற்றும் நியாயம்

கடந்த 75 ஆண்டுகளுக்கு மேலாக, தமிழர்கள் இந்த நாட்டில் நீதி மற்றும் நியாயமான மாற்றத்துக்காக களம் இறங்கி போராடி வருகின்றனர். அந்த மாற்றத்தில் தென்னிலங்கை சரியான முறையில் பங்களிக்கவில்லை,” எனவும் அவர் வலியுறுத்தினார்.

“முதலில் அந்த மாற்றத்திற்குப் பங்களியுங்கள்; பின்னர், வடக்கு மற்றும் கிழக்கு மக்கள் தெற்கில் எதிர்பார்க்கும் மாற்றத்துக்கு ஒத்துழைப்பார்கள்” என அவர் கூறினார்.

எதிர்காலத்துக்கான எதிர்பார்ப்பு

“தமிழ் மக்களின் முன்னெடுக்கும் மாற்றத்திற்கான உங்களது பங்களிப்பு என்ன, நீங்கள் என்ன செய்யப் போகிறீர்கள், உங்கள் திட்டம் என்ன என்பவற்றுக்கு, ஜனாதிபதி அநுரகுமார திஸாநாயக்க யாழ்ப்பாணத்திற்குச் சென்று தமிழ் மக்களுக்கு தெளிவுபடுத்த வேண்டும்” என எம்.ஏ. சுமந்திரன் கேட்டுக்கொண்டார்.