நுரையீரலை ஆரோக்கியமாக வைத்திருக்க சில வழிகள்
உடல் முழுவதும் ஆக்ஸிஜனை அனுப்பவும் பிற தேவையற்ற வாயுக்களை வெளியேற்ற நுரையீரல் உதவுகிறது.
நம்மை வாழ வைப்பதில் முக்கிய பங்கு வகிக்கும் நுரையீரலை நாம் ஆரோக்கியமாகப் பார்த்துக்கொள்ள வேண்டியது மிக அவசியம்.
தக்காளி: தக்காளியில் வைட்டமின் சி மற்றும் லைகோபீன் போன்ற பிற ஆக்ஸிஜனேற்றங்களால் நிரம்பி உள்ளது.
மஞ்சள்: மஞ்சளில் குர்குமின் என்ற மூலப்பொருள் இருப்பதால் அதிகமான அழற்சி எதிர்ப்பு பண்புகளைக் கொண்டுள்ளது.
நட்ஸ்கள் மற்றும் விதைகள்: மெக்னிசீயத்தை உள்ளடக்கிய பாதாம், முந்திரி, பிஸ்தா, மற்றும் பூசனி விதைகள், ஆளி விதைகள், சூரியகாந்தி விதைகள் ஆகியவை சுவாசபாதைகளில் ஏற்படும் பிரச்சனைகளை சரி செய்ய உதவுகிறது.
ப்ரோக்கோலி: ப்ரோக்கோலியில் எல்- சல்போராபேன் இருப்பதால் நுரையீரலில் காற்றோட்டத்தை மேம்படுத்த உதவுகிறது. மேலும் புகைப்பிடிப்பவர்களுக்கு நுரையீரல் புற்றுநோயைத் தடுக்க உதவுகிறது.
க்ரீன் டீ: க்ரீன் டீயில் அதிக ஆக்ஸிஜனேற்றங்கள் உள்ளதால் நுரையீரல் புற்றுநோயிலிருந்து பாதுகாக்கும்.
ஆப்பிள்: ஆப்பிளில் அதிக அளவு ஆன்டிஆக்ஸிடன்ட்கள் உள்ளன. நுரையீரல் தொற்றுகளை குறைக்கும்.
மீன்: சால்மன், கானாங்கெளுத்தி மற்றும் மத்தி போன்ற மீன்களில் ஒமேகா-3 இருப்பதால் நுரையீரல் வீக்கத்தைக் குறைக்க உதவுகிறது.
