ஈரானிய மக்களுக்கு நெதன்யாகுவின் வாழ்த்துரை
ஈரானியப் புத்தாண்டான நவூருஸ் நெருங்கி வரும் வேளையில், ஈரானிய மக்களுக்கு பிரதமர் நெதன்யாகு காணொளி மூலம் வாழ்த்து தெரிவித்துள்ளார். “வீரம் மிக்க ஈரானிய மக்களே! ஒளித் திருவிழாவுடன் தொடங்கும் இந்த விடுமுறை காலத்தில் உங்களுக்கு எனது வாழ்த்துக்களைத் தெரிவித்துக் கொள்கிறேன்” என அவர் தனது உரையைத் தொடங்கினார்.
நாளை புதன்கிழமை கொண்டாடப்படவுள்ள ஈரானின் பண்டைய ‘சஹார்ஷன்பே சூரி’ பண்டிகையை மேற்கோள் காட்டிய அவர், “இருளை ஒளி வெல்லும்; தீமையை நன்மை வெல்லும் என்ற ஈரானிய மக்களின் பழங்கால நம்பிக்கையையே இந்தத் திருவிழா பிரதிபலிக்கிறது” எனத் தெரிவித்தார். பாரசீக மொழித் துணைத்தலைப்புகளுடன் ஆங்கிலத்தில் இந்த உரையை அவர் நிகழ்த்தினார்.
“இந்த ஆண்டு இந்தத் திருவிழாவிற்கு ஒரு விசேட அர்த்தம் உண்டு; இது உங்களுக்கு ஒரு விடுதலையின் ஆண்டாகவும், நம்பிக்கையின் புதிய தொடக்கமாகவும் அமைய வாழ்த்துகிறேன்” என நெதன்யாகு மேலும் குறிப்பிட்டார். ஈரானிய ஆட்சியாளர்களுக்கும் அந்நாட்டு மக்களுக்கும் இடையிலான இடைவெளியை அதிகரிப்பதற்கான ஒரு இராஜதந்திர முயற்சியாகவே இது பார்க்கப்படுகிறது.
