சமூக ஊடகங்களைக் கட்டுப்படுத்தப் புதிய சட்டம்! நாடாளுமன்றத்தில் அமைச்சர் நளிந்த ஜயதிஸ்ஸ அறிவிப்பு
இலங்கையில் சமூக ஊடகங்கள் ஊடாக முன்னெடுக்கப்படும் தவறான வழிகாட்டல்கள் மற்றும் விளம்பரங்களைக் கட்டுப்படுத்தும் வகையில், முறையான சட்டக் கட்டமைப்பு ஒன்று உருவாக்கப்பட வேண்டும் என சுகாதார மற்றும் வெகுஜன ஊடக அமைச்சர் நளிந்த ஜயதிஸ்ஸ வலியுறுத்தியுள்ளார்.
இன்று (22.01.2026) நாடாளுமன்றத்தில் உரையாற்றிய அமைச்சர் நளிந்த ஜயதிஸ்ஸ பின்வரும் முக்கிய விடயங்களைச் சுட்டிக்காட்டினார்:
சமூக ஊடகங்களில் பகிரப்படும் சில ஆயுர்வேத தயாரிப்புகள் மற்றும் முறையற்ற சிகிச்சை முறைகள் குறித்து தற்போதுள்ள சட்டங்களின் கீழ் நடவடிக்கை எடுக்க முடியும்.
இருப்பினும், அனைத்துத் துறைகளையும் உள்ளடக்கிய ஒரு விரிவான சமூக ஊடக ஒழுங்குபடுத்தல் சட்டம் தற்போது நாட்டில் நடைமுறையில் இல்லை.
சமூக ஊடகங்களால் ஏற்படும் பாதிப்புகளைத் தடுக்கவும், அவற்றைத் தகுந்த முறையில் கட்டுப்படுத்தவும் புதிய சட்டங்களை வகுப்பதன் மூலம் ஒரு பாதுகாப்பான சூழலை உருவாக்க முடியும் என அவர் தெரிவித்தார்.
