தொடர்ச்சியாக பெய்துவரும் மழையினால் இதுவரை யாழ்ப்பாணத்தில் 8 குடும்பங்கள் பாதிக்கப்பட்டுள்ளதாக யாழ்ப்பாண அனர்த்த முகாமைத்துவ பிரிவின் பிரதிப் பணிப்பாளர் ரி.என்.சூரியராஜா தெரிவித்துள்ளார்.
நேற்றையதினம் பருத்தித்துறை பிரதேச செயலர் பிரிவிற்குட்பட்ட ஜே/388 கிராம சேவகர் பிரிவில் வசிக்கும் ஒரு குடும்பத்தை சேர்ந்த மூவர் பாதிக்கப்பட்டுள்ளனர். அதேவேளை அதே பிரதேச செயலர் பிரிவில் கடந்த சில தினங்களுக்கு முன்னர் பெய்த மழையினால் 7 குடும்பங்களைச் சேர்ந்த 28 பேர் பாதிக்கப்பட்டுள்ளனர்.
அந்தவகையில் இதுவரை கிடைத்த தரவுகளின் அடிப்படையில் மொத்தமாக யாழ்ப்பாணத்தில் 8 குடும்பங்களைச் சேர்ந்த 31பேர் பாதிக்கப்பட்டுள்ளனர்.
நேற்றையதினம் யாழ்ப்பாணத்தில் 43.1 மில்லிமீட்டர் மழைவீழ்ச்சி பதிவாகியுள்ளதுடன், 2023ஆம் ஆண்டின் இதுவரையான காலப்பகுதியில் 897.7 மில்லிமீட்டர் மழைவீழ்ச்சி பதிவாகி உள்ளதாக அவர் மேலும் தெரிவித்தார்.
