12 வயதுக்குட்பட்ட மாணவர்களுக்குத் தொலைபேசி தடை! – அரசாங்கத்தின் புதிய திட்டம் அறிவிப்பு!
பாடசாலை மாணவர்களிடையே அதிகரித்து வரும் தொலைபேசிப் பயன்பாட்டைக் கட்டுப்படுத்தும் நோக்கில், 12 வயதுக்குட்பட்ட பாடசாலை மாணவர்கள் நவீன தொலைப்பேசிகள் பயன்படுத்துவதைத் தடை செய்ய அரசாங்கம் திட்டமிட்டுள்ளதாக அறிவித்துள்ளது.
இந்த அறிவிப்பை பெண்கள் மற்றும் சிறுவர் நலத்துறை அமைச்சர் சரோஜா போல்ராஜ் பாடசாலை மாணவர்கள் கலந்துகொண்ட நிகழ்வொன்றில் வெளியிட்டுள்ளார்.
தடைக்கான காரணங்கள்:
12 வயதுக்குட்பட்ட எந்த மாணவரும் தொலைபேசி வைத்திருக்கவோ அல்லது பயன்படுத்தவோ அனுமதிக்கப்படுவதைத் தடுக்க அரசாங்கம் ஒரு முடிவை எடுக்கும் என அமைச்சர் தெரிவித்துள்ளார்.
இந்த நடவடிக்கை, அதிகப்படியான திரை நேரம் (Screen Time) மற்றும் தீங்கு விளைவிக்கும் நிகழ்நிலை உள்ளடக்கத்திற்கு ஆளாகாமல் சிறுவர்களைப் பாதுகாக்கும் என அவர் சுட்டிக்காட்டியுள்ளார்.
அத்துடன், இது ஆரோக்கியமான பிள்ளைப் பருவ வளர்ச்சி மற்றும் சமூகத் தொடர்புகளை ஊக்குவிப்பதையும் நோக்கமாகக் கொண்டுள்ளது எனவும் அமைச்சர் வலியுறுத்தியுள்ளார்.
