மெக்சிகோவில் மாமாவின் வாகனத்தில் சிக்கி 2 வயது சிறுவன் பலி! – வெளியாகிய சிசிடிவி காட்சி
மெக்சிகோவின் León நகரில் உள்ள பிரதான காய்கறிச் சந்தைப் பகுதியில் மாமாவின் வாகனத்தில் சிக்கி 2 வயது சிறுவன் சம்பவ இடத்திலே பலியாகியுள்ளார். மெக்சிகோ நேரப்படி இன்று அதிகாலை 6 மணியளவில் இந்தத் துயரம் நிகழ்ந்துள்ளது. பழக்கடை ஒன்றின் ஏற்றுமதி, இறக்குமதி பகுதியில் விளையாடிக் கொண்டிருந்த 2 வயது சிறுவன், வாகனத்தில் சிக்கிப் பலியானான்.
அங்கிருந்த சிசிடிவி காட்சிகளின்படி, அந்தச் சிறுவன் ஒரு பச்சை நிற செவ்ரோலெட் வாகனத்திற்கு அருகே விளையாடிக் கொண்டிருந்தான். அந்த வாகனம் நகரத் தொடங்கியபோது, சிறுவன் அதனை நோக்கி ஓடிச் சென்றுள்ளான். இதனை அவதானிக்காத வாகனச் சாரதி, சிறுவன் மீது காரை ஏற்றியுள்ளார்.
அந்த வாகனத்தைச் செலுத்தியவர் சிறுவனின் மாமா எனக் கூறப்படுகிறது. விபத்து நடந்ததை உணர்ந்த அவர், உடனடியாகக் கீழே இறங்கி உதவி கோரியுள்ளார். அவசர சிகிச்சைப் பிரிவினர் சம்பவ இடத்திற்கு விரைந்து வந்த போதிலும், சிறுவன் சம்பவ இடத்திலேயே உயிரிழந்துவிட்டதாகத் வெளிநாட்டு ஊடகங்கள் செய்தி வெளியிட்டுள்ளது.
இத்தகைய பாரிய வாகனங்கள் நடமாடும் பகுதிகளில் குழந்தைகளைத் தனியாக விடுவது எவ்வளவு ஆபத்தானது என்பதை இந்தச் சம்பவம் உணர்த்தியுள்ளது. இது குறித்து லியோன் நகரப் பொலிஸார் மேலதிக விசாரணைகளை முன்னெடுத்து வருகின்றனர்.
