சரிகமபவில் கலக்கிய இலங்கை இளைஞன் சபேசனுக்கு 2வது இடம்!

சரிகமபவில் கலக்கிய இலங்கை இளைஞன் சபேசனுக்கு 2வது இடம்!

ஜீ தமிழில் (Zee Tamil) ஒளிபரப்பாகி வந்த ‘சரிகமப’ (Sa Re Ga Ma Pa) சீனியர் சீசன் 5 இசை நிகழ்ச்சியின் இறுதிச் சுற்றில், இலங்கையைச் சேர்ந்த பாடகர் சுகிர்தராஜா சபேசன் இரண்டாவது இடத்தைப் பிடித்து சாதனை படைத்துள்ளார்.

நேற்று ஞாயிற்றுக்கிழமை (நவம்பர் 23, 2025) நடைபெற்ற பிரம்மாண்டமான இறுதிச் சுற்றில் இந்த முடிவுகள் அறிவிக்கப்பட்டன.

வெற்றியாளர்கள் விபரம்:

இலங்கைக்குப் பெருமை சேர்த்த சபேசன்:

இலங்கையின் அம்பாறை மாவட்டம், விநாயகபுரத்தைச் சேர்ந்த சுகிர்தராஜா சபேசன், தனது தனித்துவமான குரல் வளத்தால் இறுதிச் சுற்று வரை முன்னேறி, தற்போது இரண்டாம் இடத்தைப் பெற்றுள்ளார். அவருக்குச் சமூக வலைத்தளங்களில் இலங்கை வாழ் மக்கள் அனைவரும் தமது வாழ்த்துக்களைத் தெரிவித்து வருகின்றனர்.

மேடையில் நடந்த நெகிழ்ச்சிச் சம்பவம்:

மூன்றாம் இடத்தைப் பெற்ற சின்னு செந்தமிழனுக்கு ரசிகர் ஒருவர் மோட்டார் சைக்கிள் ஒன்றை வாங்கிப் பரிசாக அனுப்பியிருந்தார். அதைப் பார்த்த சின்னு மேடையிலேயே கதறி அழுதுள்ளார்.

“நான் சம்பாதிக்கும் பணத்தைக் கொண்டு ஒரு பழைய ஸ்கூட்டர்தான் வாங்க முடிந்தது. ‘உன் வயதினர் எல்லோரும் புது கார், பைக் என வாங்கிவிட்டார்கள், ஆனால் நீ இப்படி இருக்கிறாய்’ என வீட்டில் அப்பா கேட்டிருந்தார்,” எனத் தனது பழைய நினைவுகளைக் கூறி சின்னு கண்ணீர் விட்ட சம்பவம் அங்கிருந்தோரை நெகிழ்ச்சியில் ஆழ்த்தியது.