ஜென்ம பாவம் நீக்கும் தை அமாவாசை பரிகாரம்!
அமாவாசை, பௌர்ணமி போன்ற தினங்களில் தெய்வ சக்தி மிகுந்ததாக இருப்பதால், அந்த நாட்களில் செய்யப்படும் வழிபாடுகள் மற்றும் தான தர்மங்கள் அளவிட முடியாத பலன்களை வழங்குகின்றன.
அதிலும், குறிப்பாக அமாவாசை தினங்களில் செய்யப்படும் எந்தவொரு காரியமும், முன்னோர்களின் அருளால் சிறப்புறும் என்று கூறப்படுகிறது.
அந்த வகையில், தை அமாவாசை மிகவும் முக்கியமான அமாவாசையாக திகழ்கின்றது. ஒவ்வொரு மாதமும் வரும் அமாவாசை, முன்னோர்களை நினைத்து வழிபாடு செய்வதற்குரிய சிறந்த நாளாக கருதப்படுகிறது. அதோடு, அமாவாசை தினங்களில் பெண் தெய்வ வழிபாடு செய்யும் போது நாம் அளவில்லாத பலன்களைப் பெறுவோம் என்று கூறப்படுகிறது.
2025-ம் ஆண்டின் தை அமாவாசை, ஜனவரி 29-ஆம் தேதி புதன்கிழமை அன்று வருகிறது. இந்த நாளில் செய்யப்படும் தானங்கள், நமது ஜென்ம பாவங்களையும், முன்னோர்களின் சாபங்களையும் நீக்கி, அவர்களின் அருளைப் பெற உதவும்.
நாம் தினசரி செய்யும் தான தர்மம் நம்முடைய கர்ம வினைகளை போக்கி, அமாவாசை தினத்தில் எந்த தானத்தையும் செய்தாலும், அது முன்னோர்களின் சாபத்தையும் தோஷத்தையும் நீக்கி, அவர்களின் அருளை நமக்கு அளிக்கும் என்று கூறப்படுகிறது.
முன்னோர்களின் அருள் நமக்கு இருந்தால், எந்த காரியத்திலும் வெற்றி கிடைக்கும். மேலும், நமது வம்சம் வளம் பெறுவதும் உறுதி.
அதன் காரணமாக, அமாவாசை தினத்தில் பசு மாட்டிற்கு அகத்திக் கீரையும், காகத்திற்கு சாதமும் வைக்கும் வழக்கத்தை முன்னோர்கள் வழிமுறை செய்திருக்கின்றனர்.
தனி அமாவாசையில், இவை தவிர, மேலும் ஒரு பொருளை தானமாக கொடுத்தால், நமது ஜென்ம பாவங்கள் நீங்கும் என்றும் கூறப்படுகிறது. அது எள். எள்ளை இரைத்து முன்னோர்களுக்கு தர்ப்பணம் செய்வது வழக்கம். அந்த எளை, பசு மாட்டிற்கு மற்றும் காகத்திற்கும் தானமாக கொடுத்தால், நமக்கு அளவில்லாத நன்மைகள் கிடைக்கும்.
பசு மாட்டிற்கு எள்ளு புண்ணாக்கு கொடுத்து, காகத்திற்கு எள்ளு பொடி செய்து, அதனுடன் ஏதாவது இனிப்பு சேர்த்து உருண்டை உருவாக்கி, எள்ளுருண்டையாக தானமாக கொடுக்க வேண்டும்.
இந்த பரிகாரம் மூலம், நமது முன்னோர்களின் சாபம் மற்றும் தோஷம் நீங்கி, அவர்களின் ஆசிர்வாதம் நமக்கு முழுமையாக கிடைக்கும். மேலும், நமது ஜென்ம பாவங்கள் மற்றும் அனைத்து பிரச்சினைகளும் நீங்கும் என்று கூறப்படுகிறது.
எந்த பொருளையும் தானமாக கொடுத்தாலும், பசு மாட்டிற்கு அல்லது காகத்திற்கு அல்லது இரண்டிற்கும் இந்த தானத்தை கொடுத்தால், அனைத்து பிரச்சினைகளும் தீர்ந்து, நன்மைகள் கிடைக்கும்.
