மீண்டும் ஐரோப்பிய ஒன்றியம் பக்கம் சாயும் பிரித்தானியா?
பிரித்தானியாவில் புதியதாக ஆட்சிக்கு வந்துள்ள சர் கெய்ர் ஸ்டார்மர் (Sir Keir Starmer) தலைமையிலான லேபர் அரசு, மீண்டும் ஐரோப்பிய ஒன்றியத்துடன் இணைந்து செயலாற்ற விரும்புவதாக தகவல்கள் வெளியாகியுள்ளன.
எனினும், பிரெக்சிட் முடிவை மக்கள் வாக்களித்து நிறைவேற்றிய நிலையில், மீண்டும் ஐரோப்பிய ஒன்றியத்துடன் இணைந்து செயலாற்றுவதற்கு பிரித்தானியாவில் எதிர்ப்புகள் எழுந்துள்ளன.
பிரித்தானியா ஐரோப்பிய ஒன்றியத்திலிருந்து வெளியேறிய நிகழ்வு, “பிரெக்சிட்” என அழைக்கப்படுகிறது. இது, British – exit என்பதின் சுருக்கமாகும்.
இந்த நிலையில், பிரதமர் ஸ்டார்மர், ஐரோப்பிய ஒன்றியத்துடன் மீண்டும் இணைந்து செயலாற்றுவது தொடர்பாக கருத்து தெரிவிக்கையில், “பிரித்தானியா மீண்டும் ஐரோப்பிய ஒன்றியத்துடன் இணையவில்லை. ஆனால், பிரித்தானியாவுக்கு நன்மை ஏற்படும் வகையில், சிறந்த சேவைகளைப் பெறுவதற்காக மக்களுக்கு பயனளிக்கும் ஒரு நல்ல ஒப்பந்தத்தை ஐரோப்பிய ஒன்றியத்துடன் செய்துகொள்ளவே நாம் விரும்புகிறோம்” என்றார்.
இதன் பொருட்டு, ஐரோப்பிய ஒன்றியமும், 30 வயதுக்குக் கீழுள்ள ஐரோப்பிய ஒன்றிய உறுப்பு நாடுகளின் மக்கள், பிரித்தானியாவில் தடையின்றி வேலை செய்யவும், பயணிக்கவும், அதேபோல் பிரித்தானியர்களும் ஐரோப்பிய ஒன்றிய நாடுகளுக்கு தடையின்றி செல்லவும் வாய்ப்பு வழங்கப்பட வேண்டும் என வலியுறுத்தி வருகிறது.
இதன் காரணமாக, பிரித்தானியா மீண்டும் ஐரோப்பிய ஒன்றியத்தின் விதிகளுக்கும், ஐரோப்பிய ஒன்றிய நீதிமன்றத்தின் தீர்ப்புகளுக்கும் உட்பட்ட நிலையில் செயல்படுவதாக இருப்பதால், பிரெக்சிட் ஆதரவாளர்கள் மற்றும் பலர் அதற்கு எதிரான பரிதாபங்களை வெளிப்படுத்தி வருகின்றனர்.
