பிலிப்பைன்ஸில் 7.4 ரிக்டர் சக்திவாய்ந்த நிலநடுக்கம்: சுனாமி எச்சரிக்கையால் மக்கள் பீதி!
பிலிப்பைன்ஸில் உள்ள மிண்டனோ தீவில் இன்று (அக்டோபர் 10, 2025) காலை 7.4 ரிக்டர் அளவில் சக்திவாய்ந்த நிலநடுக்கம் பதிவாகியுள்ளது. இந்த நிலநடுக்கத்தைத் தொடர்ந்து அப்பகுதிக்கு சுனாமி எச்சரிக்கையும் விடுக்கப்பட்டுள்ளது.
அந்நாட்டு நேரப்படி இன்று காலை 9.43 மணிக்கு இந்தச் சக்திவாய்ந்த நிலநடுக்கம், மிண்டனோ தீவின் மெனே நகர் அருகே கடலில் 10 கிலோமீட்டர் ஆழத்தில் ஏற்பட்டுள்ளது.
நிலநடுக்கம் காரணமாகப் பல கட்டிடங்கள் குலுங்கியதால், அச்சமடைந்த மக்கள் அலறியடித்துக்கொண்டு வீதிகளில் தஞ்சமடைந்தனர்.
சுனாமி எச்சரிக்கை: நிலநடுக்கத்தைத் தொடர்ந்து விடுக்கப்பட்ட சுனாமி எச்சரிக்கையில், 10 அடி வரை சுனாமி அலைகள் உருவாகலாம் என எச்சரிக்கப்பட்டுள்ளது.
நிலநடுக்கத்தால் ஏற்பட்ட சேதங்கள் மற்றும் உயிரிழப்புகள் குறித்த தகவல்கள் இதுவரை வெளியாகவில்லை. மீட்புப் பணிகள் மற்றும் சேத விவரங்கள் குறித்து மேலும் தகவல் கிடைத்ததும் தெரிவிக்கப்படும்.
