சர்வதேச அரச உச்சி மாநாட்டில் இன்று ஜனாதிபதி உரையாற்றுகிறார்
இன்று பிற்பகல் துபாயில் நடைபெறும் சர்வதேச அரச உச்சி மாநாட்டின் 2025 முழு அமர்வில் ஜனாதிபதி அனுரகுமார திசாநாயக்க உரையாற்ற உள்ளார்.
எதிர்கால அரசாங்கங்களை வடிவமைத்தல் என்ற கருப்பொருளின் கீழ் நடைபெறும் இந்த ஆண்டு மாநாட்டின் போது, ஜனாதிபதி பல மூலோபாய முக்கியத்துவம் வாய்ந்த இருதரப்பு சந்திப்புகளில் பங்கேற்றார்.
அதன்படி, ஜனாதிபதி நேற்று பாகிஸ்தான் பிரதமர் ஷாபாஸ் ஷெரீப்பை சந்தித்து, இரு நாடுகளுக்கும் இடையிலான சந்தைப் பன்முகத்தன்மை மற்றும் புதிய மூலோபாயத் திட்டங்கள் குறித்து விவாதித்தார்.
கடந்த பொதுத் தேர்தலில் அரசாங்கம் பெற்ற மகத்தான வெற்றிக்காக பாகிஸ்தான் பிரதமர் ஜனாதிபதியை வாழ்த்தினார்.
இதற்கிடையில், முன்னாள் பிரிட்டிஷ் பிரதமர் டோனி பிளேருக்கும் ஜனாதிபதிக்கும் இடையிலான சந்திப்பும் நேற்று நடந்தது.
நாட்டின் சுகாதாரம், துறைமுகம் மற்றும் சுற்றுலாத் துறைகளில் உள்ள முதலீட்டு வாய்ப்புகள் குறித்து முன்னாள் பிரிட்டிஷ் பிரதமருக்கு ஜனாதிபதி தெரிவித்ததாகவும், முதலீட்டாளர்களை அவற்றிற்கு வழிநடத்துமாறு கேட்டுக் கொண்டதாகவும் ஜனாதிபதியின் ஊடகப் பிரிவு அறிவித்துள்ளது.
