மான் இறைச்சி, துப்பாக்கியுடன் இருவர் கைது!
அம்பாறை மாவட்டம், சம்மாந்துறைப் பகுதியில் மானை வேட்டையாடி அதன் இறைச்சி, வேட்டைக்கு பயன்படுத்திய துப்பாக்கி மற்றும் தோட்டாக்கள் வைத்திருந்த இரு சந்தேக நபர்களை சம்மாந்துறைப் பொலிஸார் இன்று சனிக்கிழமை (டிசம்பர் 13, 2025) கைது செய்துள்ளனர்.
சம்மாந்துறைப் பொலிஸ் நிலைய ஊழல் ஒழிப்புப் பிரிவினருக்குக் கிடைத்த இரகசிய தகவலின் அடிப்படையில் மேற்கொள்ளப்பட்ட திடீர் சுற்றிவளைப்பின்போதே இந்தக் கைது நடவடிக்கை இடம்பெற்றுள்ளது.
சம்மாந்துறைப் பகுதியில் உள்ள பளவழி கிராமம் (12 வீட்டுத்திட்டம்) புதிய வளத்தாப்பிட்டியில் நேற்று வெள்ளிக்கிழமை (டிசம்பர் 12) மாலை இந்தச் சந்தேக நபர்கள் கைது செய்யப்பட்டனர்.
இதன்போது மான் இறைச்சி, வேட்டைக்கு பயன்படுத்திய துப்பாக்கி, தோட்டாக்கள்,
வேன் மற்றும் மோட்டார் சைக்கிள் ஆகியவை கைப்பற்றப்பட்டுள்ளன.
கைது செய்யப்பட்ட இரு சந்தேக நபர்கள் உள்ளிட்ட சான்றுப் பொருட்கள் யாவும் சம்மாந்துறை நீதிவான் நீதிமன்றத்தில் ஆஜர்படுத்துவதற்கான நடவடிக்கைகளை சம்மாந்துறைப் பொலிஸார் மேற்கொண்டு வருகின்றனர்.
