கல்கிரியாகமவில் சோகம்: குளத்தில் பூப்பறிக்கச் சென்ற 12 வயது சிறுவன் நீரில் மூழ்கி பலி!
கல்கிரியாகம – உஸ்ஸான பகுதியில் குளத்தில் பூப்பறிக்கச் சென்ற சிறுவன் ஒருவன், எதிர்பாராத விதமாக நீரில் மூழ்கி உயிரிழந்துள்ள சம்பவம் அப்பகுதியில் பெரும் சோகத்தை ஏற்படுத்தியுள்ளது.
இந்தத் துயரச் சம்பவத்தில் உயிரிழந்தவர் தேவஹுவ பகுதியைச் சேர்ந்த 12 வயதுடைய சிறுவன் என அடையாளம் காணப்பட்டுள்ளார்.
நேற்று சனிக்கிழமை (10.01.2026) குறித்த சிறுவன் குளத்தில் பூப்பறிப்பதற்காகச் சென்றபோது, கால் தவறி குளத்திற்குள் விழுந்துள்ளார். இதன்போது நீரில் மூழ்கிய சிறுவனை மீட்டபோதும், அவர் ஏற்கனவே உயிரிழந்திருந்ததாகத் தெரிவிக்கப்படுகிறது.
இச்சம்பவம் குறித்துக் கல்கிரியாகம காவல்துறையினர் மேலதிக விசாரணைகளை முன்னெடுத்து வருகின்றனர்.
சிறுவர்கள் நீர்நிலைகளுக்கு அருகில் செல்லும்போது பெற்றோர்கள் மிகுந்த அவதானத்துடன் இருக்க வேண்டும் எனப் பாதுகாப்புத் தரப்பினர் மீண்டும் எச்சரிக்கை விடுத்துள்ளனர்.
