ஒப்பந்தம் தேவையில்லை; யுரேனியத்தை எங்களால் எப்போது வேண்டுமானாலும் எடுக்க முடியும் — டொனால்ட் ட்ரம்பின் அதிரடி அறிவிப்பு
ஈரானின் அணுசக்தித் திட்டத்தைக் கட்டுப்படுத்த புதிய ஒப்பந்தம் ஒன்று மிக விரைவில் எட்டப்படவுள்ளதாக அமெரிக்கா கூறி வந்த நிலையில், ஜனாதிபதி ட்ரம்பின் தற்போதைய கருத்து அணுசக்தி விவகாரத்தில் புதிய பரபரப்பை ஏற்படுத்தியுள்ளது.
வெள்ளை மாளிகையின் ஓவல் அலுவலகத்தில் (Oval Office) செய்தியாளர்களிடம் பேசிய ட்ரம்ப், ஈரானிடமிருந்து யுரேனியத்தை அகற்றுவதற்கு இப்போது ஒப்பந்தம் எதுவும் தேவையில்லை என்றும், தாங்கள் நினைத்தால் அதை எப்போது வேண்டுமானாலும் செய்ய முடியும் என்றும், ஏனெனில் அது தற்போது நிலத்தடியில் பாதுகாப்பாக பூட்டி வைக்கப்பட்டுள்ளது (Entombed) என்றும் குறிப்பிட்டுள்ளார்.
இதேவேளை, வரும் ஜூலை மாதம் 7 மற்றும் 8 ஆகிய தேதிகளில் துருக்கி தலைநகர் அங்காராவில் (Ankara) நடைபெறவுள்ள நேட்டோ உச்சிமாநாட்டில் தான் நேரில் கலந்துகொள்ளவிருப்பதை ட்ரம்ப் உறுதிப்படுத்தியுள்ளார்.
ஆனால், தனது நேட்டோ கூட்டாளி நாடுகளுக்கு எதிராக மீண்டும் ஒருமுறை கடுமையான விமர்சனங்களை அவர் முன்வைத்துள்ளார்.
ஈரானுக்கு எதிரான இந்த மூன்று மாத காலப் போரில், நேட்டோ கூட்டணி நாடுகள் தனக்கு போதிய உதவிக் கரங்களை நீட்டியிருக்க வேண்டும் என்று குறிப்பிட்ட அவர், அவர்களின் தற்போதைய மந்தமான பாதுகாப்புப் பங்களிப்பைக் கடுமையாகச் சாடியுள்ளார்.
