யாழில் எலிக்காய்ச்சலால் ஏற்படும் உயிரிழப்பு!
யாழ்ப்பாணம் (Jaffna) போதனா வைத்தியசாலையில் எலிக்காய்ச்சல் காரணமாக இரு மரணங்கள் சம்பவித்துள்ளதாக யாழ்ப்பாணம் மாவட்ட பிராந்திய சுகாதார சேவைகள் பணிப்பாளர் வைத்திய கலாநிதி ஆ.கேதீஸ்வரன் தெரிவித்தார். அவர், கடந்த ஜனவரி 2 ஆம் தேதி இம்மரணங்கள் பதிவாகியுள்ளதாக குறிப்பிட்டார்.
எலிக்காய்ச்சல் பாதிப்பு மற்றும் சிகிச்சை நிலவரம்
யாழ்ப்பாண மாவட்டத்தில் 202 நோயாளிகளின் தகவல்கள் எமக்கு கிடைத்துள்ளன. இதில், 94 பேருக்கு எலிக்காய்ச்சல் உறுதி செய்யப்பட்டுள்ளது. கடந்த 24 மணி நேரத்தில் 10 நோயாளர்கள் சிகிச்சை பெற்று வருகின்றனர். இதில், 7 பேர் பருத்தித்துறை ஆதார வைத்தியசாலையிலும், 3 பேர் யாழ்ப்பாணம் போதனா வைத்தியசாலையிலும் சிகிச்சை பெறுகிறார்கள். மேலும், 3 பேரும் புதிதாக வைத்தியசாலையில் அனுமதிக்கப்பட்டுள்ளனர்.
Read Now : நாட்டில் இடியுடன் கூடிய மழை: மக்களுக்கு விடுக்கப்பட்டுள்ள எச்சரிக்கை
தடுப்பு மற்றும் விழிப்புணர்வு
விழிப்புணர்வு நடவடிக்கைகளின் மூலம், காய்ச்சல் ஏற்பட்ட பிறகு உடனடியாக சிகிச்சை பெறுவது மிகவும் முக்கியமானதாகும். குறிப்பாக, விவசாயிகள், கடல் நீரில் மீன் பிடிக்கச் செல்லும் மக்கள், வெள்ள அனர்த்தம் பாதித்தவர்களுக்கு தடுப்பு மருந்துகள் வழங்கப்பட வேண்டும். இதுவரை, யாழ்ப்பாண மாவட்டத்தில் எலிக்காய்ச்சல் காரணமாக 8 இறப்புகள் பதிவாகியுள்ளது.
“எலிக்காய்ச்சல் நோய் பரவுவது தொடர்பாக ஆராய்ச்சிகள் தற்போது நடைபெற்று வருகின்றன, அதன் பெறுபேறுகள் அடுத்த வாரத்தில் வெளிவரலாம்,” என அவர் குறிப்பிட்டார்.
