நாடாளுமன்றத்தில் உச்சக்கட்ட பரபரப்பு! – எம்பி சாமர சம்பத்தை சபையிலிருந்து வெளியேற்றினார் சபாநாயகர் ஜகத் விக்ரமரத்ன!
நாடாளுமன்றத்தில் இன்றைய தினம் நடைபெற்ற விவாதத்தின் போது உரையாற்றிய நாடாளுமன்ற உறுப்பினர் சாமர சம்பத் தசநாயக்க, தற்போது நீதிமன்றத்தில் விசாரணையில் உள்ள வழக்கு ஒன்று குறித்துச் சபையில் பேசத் தொடங்கினார்.
இதன்போது குறுக்கிட்ட சபாநாயகர் ஜகத் விக்ரமரத்ன, நாடாளுமன்ற விதிகளின்படி நீதிமன்றத்தில் நிலுவையிலுள்ள வழக்குகள் குறித்துச் சபையில் பேசுவதைத் தவிர்க்குமாறு எம்பி-க்கு பலமுறை அறிவுறுத்தினார்.
எனினும், சபாநாயகரின் அந்த உத்தரவுகளை முற்றிலும் மதிக்காமல் சாமர சம்பத் தசநாயக்க தொடர்ந்து தனது கருத்துக்களைத் தெரிவித்து வந்தார்.
சபாநாயகரின் தொடர் எச்சரிக்கைகளையும் மீறிச் சாமர சம்பத் தசநாயக்க சபையில் ஒழுங்கீனமாக நடந்துகொண்டதால், அவரை உடனடியாக நாடாளுமன்றச் சபையிலிருந்து வெளியேறுமாறு சபாநாயகர் ஜகத் விக்ரமரத்ன அதிரடி உத்தரவைப் பிறப்பித்தார்.
இதனைத் தொடர்ந்து, சபாநாயகரின் உத்தரவுக்குக் கட்டுப்பட்டு நாடாளுமன்ற உறுப்பினர் தசநாயக்க சபையிலிருந்து உடனடியாக வெளியேறிச் சென்றார். இச்சம்பவத்தால் நாடாளுமன்ற அமர்வில் சில நிமிடங்கள் கடுமையான வாக்குவாதமும் சலசலப்பும் ஏற்பட்டது.
