முன்னாள் ஜனாதிபதிகள் திடீர் சந்திப்பு
முன்னாள் ஜனாதிபதிகள் ரணில் விக்ரமசிங்க மற்றும் மைத்திரிபால சிறிசேன ஆகியோர் ஒரு விசேட சந்திப்பை நடத்தியுள்ளனர்.
இந்த சந்திப்பு நேற்று (13) கொல்லுப்பிட்டி பகுதியில் உள்ள தனியார் ஹோட்டலில் நடைபெற்றது.
அந்த சந்திப்பில், தற்போதைய அரசியல் நிலைமைகள் பற்றி சுமார் இரண்டு மணித்தியாலங்கள் விவாதிக்கப்பட்டன.
இந்த கலந்துரையாடலை முன்னாள் ஜனாதிபதி ரணில் விக்ரமசிங்க ஏற்பாடு செய்திருந்தார்.
முன்னாள் நாடாளுமன்ற உறுப்பினர்கள் அனுர பிரியதர்சன் யாபா, சுசில் பிரேமஜயந்த, மஹிந்த அமரவீர, நிமால் சிறிபால டி சில்வா, உதய கம்மன்பில, நிமால் லன்சா, ராஜித சேனாரட்ன, ருவான் விஜேவர்தன, சாகல ரட்நாயக்க ஆகியோர் இந்த சந்திப்பில் பங்கேற்றனர்.
பேச்சுவார்த்தைகள் வெற்றிகரமாக நடைபெற்றதாகவும், எதிர்வரும் உள்ளூராட்சி மன்றத் தேர்தலில் போட்டியிடுவது குறித்து விரைவில் முடிவு செய்யப்படுவதாகவும் ருவான் விஜேவர்தன தெரிவித்தார்.
இதேவேளை, இந்த சந்திப்பில் எந்த முக்கியமான பேச்சுவார்த்தையும் நடக்கவில்லை. அது ஒரு நட்பு கலந்துரையாடலாக மட்டுமே நடைபெற்றதாக நிமால் லன்சா தெரிவித்தார்.
