போர் நிறுத்த ஒப்பந்தத்தில் இருந்து விலகப் போவதாக இஸ்ரேல் எச்சரிக்கை
பாலஸ்தீனியர்கள் தங்கள் பிணைக் கைதிகளை சனிக்கிழமை பிற்பகலுக்குள் விடுவிக்காவிட்டால், காசாவில் போர் நிறுத்தத்தை முடிவுக்குக் கொண்டு வந்து மீண்டும் கடுமையான சண்டையைத் தொடங்குவோம் என்று இஸ்ரேல் எச்சரித்துள்ளது.
பணயக்கைதிகளை விடுவிப்பதை ஒத்திவைப்பதாக ஹமாஸ் அறிவித்ததற்கு பதிலளிக்கும் விதமாக இஸ்ரேலிய பிரதமர் பெஞ்சமின் நெதன்யாகு இந்த அறிக்கையை வெளியிட்டதாக வெளிநாட்டு தகவல்கள் தெரிவிக்கின்றன.
காசா பகுதியிலும் அதைச் சுற்றியுள்ள பகுதிகளிலும் இஸ்ரேலிய இராணுவ பாதுகாப்பை பலப்படுத்த உத்தரவிட்டுள்ளதாகவும் பெஞ்சமின் நெதன்யாகு கூறியுள்ளார்.
ஹமாஸ் இன்னும் 76 இஸ்ரேலிய பணயக்கைதிகளை பிடித்து வைத்திருப்பதாக வெளிநாட்டு தகவல்கள் தெரிவிக்கின்றன.
மூன்று வார கால போர் நிறுத்த ஒப்பந்தத்தை இஸ்ரேல் மீறியதாகவும், மனிதாபிமான உதவிகளைத் தடுப்பதாகவும் ஹமாஸ் குற்றம் சாட்டியுள்ளது.
