மின்சார கட்டண அதிகரிப்பு தொடர்பான நாடாளுமன்ற ஒத்திவைப்பு விவாதம் இன்று

மின்சார கட்டண அதிகரிப்பு தொடர்பான பாராளுமன்ற ஒத்திவைப்பு மீதான விவாதம் இன்று (29) நடைபெறவுள்ளது.

எதிர்க்கட்சிகள் கொண்டு வந்த பிரேரணையின்படி, காலை 9.30 மணி முதல் மாலை 4.30 மணி வரை நடைபெறும்.

நாளை பிற்பகல் 1 மணிக்கு பாராளுமன்றம் கூடவுள்ளதுடன், திருத்தப்பட்ட ஒதுக்கீட்டுச் சட்டமூலம் தொடர்பான அறிக்கையை பிற்பகல் 2 மணிக்குள் ஜனாதிபதி சமர்பிப்பார்.

அதன் பின்னர் நாடாளுமன்றம் நாளை மறுதினம் வரை ஒத்திவைக்கப்பட்டுள்ளது.

திருத்தப்பட்ட ஒதுக்கீட்டுச் சட்டமூலத்தின் இரண்டாம் வாசிப்பு மீதான விவாதம் நாளை முதல் செப்டெம்பர் 2ஆம் திகதி வரை காலை 9.30 மணி முதல் மாலை 5.30 மணி வரை மதிய உணவு இடைவேளையின்றி நடைபெறும்.

இது தொடர்பான வாக்குப்பதிவு இரண்டாம் நாள் பிற்பகல் நடைபெறும்.

இதேவேளை, ஸ்ரீலங்கா பொதுஜன பெரமுனவின் மாவட்ட தலைவர்கள் இன்று கொழும்புக்கு அழைக்கப்பட்டுள்ளனர்.

காலை 10 மணிக்கு நெலும் மாவத்தையில் உள்ள கட்சி அலுவலகத்திற்கு வருமாறு அவர்களுக்கு அறிவிக்கப்பட்டுள்ளது.

அத்துடன், திருத்தப்பட்ட ஒதுக்கீட்டுச் சட்டமூலம் தொடர்பான அறிக்கையை நாடாளுமன்றத்தில் சமர்ப்பித்த பின்னர், ஜனாதிபதி ரணில் விக்கிரமசிங்க தலைமையில் ஆளும் கட்சியின் கூட்டம் நாளை (30) நடைபெறவுள்ளது.

இதேவேளை, சம்பளம் இன்றி பணியாற்ற முடியுமானால் மேலும் அமைச்சர்கள் மற்றும் இராஜாங்க அமைச்சர்களை நியமிப்பதில் பிரச்சினை இல்லை என விளையாட்டு மற்றும் இளைஞர் விவகார அமைச்சர் ரொஷான் ரணசிங்க தெரிவித்துள்ளார்.

சர்வகட்சி அரசாங்கமொன்றை அமைப்பதற்கு உழைக்காவிட்டால் மேலும் அமைச்சர்களை நியமிக்குமாறு ஸ்ரீலங்கா பொதுஜன பெரமுன எம்.பி.க்கள் கோரியுள்ளதாக நேற்று குருநாகல், வெல்லவாடியில் ஊடகவியலாளர்கள் எழுப்பிய கேள்விக்கு பதிலளிக்கும் போதே அவர் மேற்கண்டவாறு கூறினார்.