ஜனாதிபதியின் புத்தாண்டு வாழ்த்து செய்தி

ஜனாதிபதியின் புத்தாண்டு வாழ்த்து செய்தி

“அனைத்து மக்களும் ஒன்றிணைந்து அபிவிருத்தியடைந்த இலங்கை பற்றிய கனவை நனவாக்கும் வாய்ப்பு, 2025 புத்தாண்டில் உங்களுக்கும் எமக்கும் கிடைத்துள்ளது” என ஜனாதிபதி அநுரகுமார திசாநாயக்க தனது புத்தாண்டு வாழ்த்துச் செய்தியில் தெரிவித்துள்ளார்.

அவரின் வாழ்த்துச் செய்தியில் மேலும் அவர் கூறுவதாவது,

“நாடு மற்றும் நாட்டு மக்களால் பல தசாப்தங்களாகக் கண்ட கனவுகள் இப்போது நனவாகும் புதிய யுகத்தின் உதயத்துடன், 2025 ஆம் ஆண்டில் நாம் அடியெடுத்து வைக்கின்றோம்.

வடக்கு, கிழக்கு, மேற்கு, தெற்கு ஆகிய நான்கு திசைகளையும் இணைத்து, அனைத்து மக்களின் நம்பிக்கையையும் பெற்று 2024ஆம் ஆண்டு நடந்த பாராளுமன்றத் தேர்தலில் பெரும்பான்மையுடன் ஆட்சியமைக்க எம்மால் முடிந்தது. அதன் மூலம், மக்கள் எதிர்பார்க்கும் சிறந்த ஆட்சியைக் கொண்டு, அரசியல் கலாசாரத்தில் பெரும்பான்மையான மாற்றங்களை மேற்கொண்டு, மக்கள் ஆணையை பொறுப்புடன் நிறைவேற்றுவதற்கு தற்போது நாம் தீவிரமாக செயற்பட்டு வருகிறோம்.

கிராமிய வறுமையை ஒழிப்பது, ‘கிளீன் ஶ்ரீலங்கா’ திட்டம் மற்றும் டிஜிட்டல் பொருளாதாரத்தை முன்னேற்றுதல் ஆகியவை நாட்டின் முன்னணி அபிவிருத்தித் தேவைகளாக எங்களுக்கு அடையாளம் கண்டுள்ளன. இந்த முயற்சியின் அடிப்படையில், சமூக, சுற்றாடல் மற்றும் நெறிமுறை புத்தெழுச்சியினூடாக, சமூகத்தை மேம்படுத்தும் நோக்கில் “கிளீன் ஶ்ரீலங்கா” வேலைத்திட்டம் புத்தாண்டு உதயத்துடன் நடைமுறைப்படுத்தப்படவுள்ளது.

இந்த பரிமாற்றரீதியான அபிவிருத்திச் செயற்பாடுகள் மூலம், 2024ஆம் ஆண்டு அடைந்த பொருளாதார ஸ்திரத்தன்மையை மேலும் உறுதிப்படுத்தி, “வளமான நாடு – அழகான வாழ்வு” என்ற நோக்கத்தை அடையும் படி, புதிய உறுதிப்பாடுகளை மனதில் கொண்டு, சகோதரத்துவத்துடன் 2025 ஆம் ஆண்டை முன்னேற்றிப் பிறக்கவுள்ளோம்.

இலங்கை வரலாற்றில் முதன்முறையாக சுதந்திரத்துக்குப் பிறகு, மக்கள் நேய அரசாங்கத்தை உருவாக்கி, அனைத்தும் ஒன்றிணைந்து அபிவிருத்தியடைந்த இலங்கை பற்றிய கனவை நனவாக்கும் இவ்வளவு பெரிய வாய்ப்பு, உங்களுக்கும் எமக்கும் கிடைத்துள்ளது. இந்த பொறுப்பு நம் அனைவரின் தோள்களில் சுமத்தப்பட்டுள்ளது. அதற்கான புரிதலோடு, 2025ஆம் ஆண்டில் நாம் வீரியத்துடனும் உறுதியுடனும் செயல்படுவோம்.

தேசிய மறுமலர்ச்சிக்காக எங்களுடன் இணைந்து பங்காற்றும் உங்கள் அனைவருக்கும் செழுமையும் ஒற்றுமையும், புதிய நம்பிக்கையும் நிறைந்த புத்தாண்டு நல்வாழ்த்துக்கள்!”