இந்தியாவில் கடந்த சில வாரங்களாக கொரோனா வைரஸ் தொற்று முன்னொருபோதும் இல்லாதவாறு மிக அதிகமாக பதிவாகியுள்ளது.
அங்கு தினமும் பல்லாயிரக்கணக்கானோருக்கு கொரோனா வைரஸ் தொற்று உறுதி செய்யப்பட்டு வருகின்றது.
கடந்த ஆண்டு ஏற்பட்ட கொரோனாவின் முதல் அலையைக் விட , தற்போது ஏற்பட்டுள்ள இரண்டாவது அலையின் தாக்கம் அதிகளவில் இருக்கின்றது.
இதன் காரணமாக, கொரோனாவின் மோசமான பாதிப்புக்கு ஆளான நாடுகளின் பட்டியலில் அமெரிக்கா, பிரேசிலைத் தொடர்ந்து இந்தியா 3 வது இடத்தில் நீடிக்கின்றது.
இருப்பினும் , ஒருநாள் கொரோனா பாதிப்பில் பிரேசில், அமெரிக்காவை விட இந்தியா முன்னிலையில் காணப்படுகின்றது.
உலக அளவில் கொரோனா பாதிப்பு விவரங்களை கணிப்பிட்டு வெளியிட்டு வரும் வோர்ல்டோமீட்டர்ஸ் இணையதள விவரங்களின் அடிப்படையில், இந்தியாவில் கடந்த 24 மணி நேரத்தில் 1 இலட்சத்து 15 ஆயிரம் பேருக்கு தொற்று உறுதி செய்யப்பட்டுள்ளதாக தெரிவிக்கப்பட்டுள்ளது.
தற்போது பிரேசிலில் 82,869 பேருக்கும், அமெரிக்காவில் 62,283 பேருக்கு கடந்த 24 மணி நேரத்தில் கொரோனா தொற்று உறுதி செய்யப்பட்டுள்ளமை குறிப்பிடப்பட்டுள்ளது.
