இலங்கை அணியின் தொடர் வெற்றிக்கு இவர்கள் தான் காரணமா?
இலங்கை கிரிக்கெட்டை மீண்டும் சிறந்த நிலைக்கு கொண்டு வர, முன்னாள் கிரிக்கெட் வீரர்கள் குமார் சங்கக்கார மற்றும் லசித் மலிங்க ஆகியோர், இலங்கையின் தலைமை பயிற்சியாளர் சனத் ஜெயசூர்யாவிற்கு தங்கள் நுண்ணறிவுகளை பகிர்ந்து கொண்டு வருவதாக தகவல்கள் தெரிவிக்கின்றன. இந்த செய்தியை இந்திய ஊடகம் ஒன்று வெளியிட்டுள்ளது.
சனத் ஜெயசூர்யா இலங்கையின் ஆண்கள் கிரிக்கெட் அணியின் முழுநேர தலைமை பயிற்சியாளராக பதவி ஏற்றுக்கொண்டுள்ளதற்கு இரண்டு மாதங்கள் ஆகின்றன. அவற்றின் முடிவில், அவரின் வழிகாட்டுதலின் கீழ் அணி மிகுந்த முன்னேற்றங்களை கண்டுள்ளது.
ஜெயசூர்யாவின் தலைமையில், நியூசிலாந்து அணியை எதிர்கொண்டு டெஸ்ட் போட்டியில் வெற்றி, மேற்கிந்திய தீவுகளுக்கு எதிரான ஒருநாள் மற்றும் 20-20 போட்டிகளில் தொடர் வெற்றி, இந்தியாவை எதிர்கொண்டு ஒருநாள் தொடரில் வெற்றி, இங்கிலாந்தை எதிர்கொண்டு டெஸ்ட் வெற்றி, மேலும் நியூசிலாந்து அணிக்கு எதிரான ஒருநாள் தொடரில் வெற்றி மற்றும் 20-20 போட்டியில் 1-1 சமநிலை என பல வெற்றிகள் பெற்று இலங்கை அணி சிறப்பான முன்னேற்றத்தை கண்டுள்ளது.
இந்த வெற்றிகளுக்கு பின்னால், சங்கக்கார மற்றும் மலிங்கவின் உதவி முக்கியமானது என்றும் இந்திய ஊடகம் குறிப்பிட்டுள்ளது. இந்நிலையில், இலங்கை அணி தற்போது நியூசிலாந்துக்கு சர்வதேச ஒருநாள் போட்டித் தொடருக்காக பயணித்து இருக்கின்றது.
