தரம் 5 புலமைப் பரிசில் பரீட்சை தொடர்பில் முக்கிய அறிவிப்பு
2024 ஆம் ஆண்டுக்கான தரம் 5 புலமைப் பரிசில் பரீட்சை பெறுபேறுகளுக்கு மேன்முறையீடு செய்வதற்கான காலம் அறிவிக்கப்பட்டுள்ளது. பரீட்சைகள் திணைக்களம் 27 ஜனவரி முதல் 6 பிப்ரவரி 2025 வரை இணையவழியில் மேன்முறையீடு செய்யுமாறு கோரிக்கை விடுத்துள்ளது.
பரீட்சை பெறுபேறுகள் 23 ஜனவரி 2025 அன்று வெளியிடப்பட்டு, அவற்றைப் பார்வையிட www.doenets.lk என்ற இணையதளத்தை பயன்படுத்த முடியும். 20,000 பேர் புலமைப் பரிசில் பரீட்சைக்கான பெறுபேறுகளுக்காக விண்ணப்பித்துள்ளனர். அதில் 250 விசேட தேவையுடைய மாணவர்கள் ஏற்கனவே தேர்வு செய்யப்பட்டுள்ளனர்.
பாடசாலை அதிபர்கள் தங்கள் பயனர் பெயர் மற்றும் கடவுச்சொல் மூலம் பாடசாலை பரீட்சை பெறுபேறு ஆவணத்தை தரவிறக்கம் செய்ய முடியும் என்றும் அறிவிக்கப்பட்டுள்ளது.
மேலும், பரீட்சைகள் திணைக்களம் மாவட்ட ரீதியான வெட்டுப்புள்ளி விபரங்களையும் வெளியிட்டுள்ளது. கடந்த ஆண்டின் புலமைப் பரிசில் பரீட்சையில் 3 வினாக்கள் சர்ச்சையை ஏற்படுத்தியிருந்ததை குறிப்பிடத்தக்கது.
