போர் நிறுத்தத்திற்கு மத்தியில் இரத்த வெறியுடன் இஸ்ரேல் தாக்குதல்! – காசாவில் 45 பேர் பலி!
உலக நாடுகளின் முயற்சியால் ஏற்படுத்தப்பட்ட போர் நிறுத்த ஒப்பந்தம் நடைமுறையில் இருக்கும் நிலையில், இஸ்ரேல் மீண்டும் காசாவின் ரஃபா பகுதியில் வான்வழித் தாக்குதலை நடத்தியுள்ளது. இந்தத் தாக்குதலில் 45 பேர் கொல்லப்பட்டதாக சர்வதேச ஊடகங்கள் செய்தி வெளியிட்டுள்ளன.
ஹமாஸ் தலைவர்கள் இலக்கு:
இஸ்ரேல் படையினர் நடத்திய இந்தத் தாக்குதலில், ஹமாஸின் அல்-கஸ்ஸாம் படைப்பிரிவின் தளபதி யஹ்யா அல்-மபூஹ் உட்பட ஆறு உறுப்பினர்கள் கொல்லப்பட்டதாகத் தெரிவிக்கப்பட்டுள்ளது.
போர் நிறுத்த மீறல் குற்றச்சாட்டுகள்:
போர் நிறுத்த ஒப்பந்தத்தை ஹமாஸ் தரப்பு மீறியதாலேயே தாம் தாக்குதலை நடத்தியதாக இஸ்ரேல் தெரிவித்துள்ளது.
ஆனால், இஸ்ரேல் இந்த ஒப்பந்தத்தை அப்பட்டமாக மீறியுள்ளதாக ஹமாஸின் மூத்த உறுப்பினர் இஸ்ஸாத் அல்-ரிஷ்க் குற்றம் சாட்டியுள்ளார்.
கட்டார் மற்றும் எகிப்து தலைமையிலான மத்தியஸ்த முயற்சிகளைத் தடம் புரளச் செய்யும் முயற்சியை இஸ்ரேல் மேற்கொள்வதாகவும், இஸ்ரேலின் தொடர் தாக்குதல் முழுமையான சரிவை நோக்கிச் செல்ல வழிவகுக்கும் எனவும் இஸ்ஸாத் அல்-ரிஷ்க் தெரிவித்துள்ளார்.
அமெரிக்க ஜனாதிபதி டிரம்ப் தலையிட்டு வலியுறுத்திய 20 அம்சத் திட்டத்தைத் தொடர்ந்துதான் சில நாட்களுக்கு முன் இந்தப் போர் நிறுத்த உடன்படிக்கை ஏற்பட்டது என்பது குறிப்பிடத்தக்கது.
