லிட்ரோ எரிவாயு விலை குறித்து வெளியான புதிய அறிவிப்பு
இம்மாதம், லிட்ரோ சமையல் எரிவாயு விலையில் எந்தவொரு மாற்றமும் செய்யப்படவில்லை என லிட்ரோ எரிவாயு நிறுவனம் அறிவித்துள்ளது.
இதனை, லிட்ரோ எரிவாயு நிறுவனத்தின் தலைவர் முதித பீரிஸ் தெரிவித்துள்ளார்.
உலக சந்தை விலைகளின் அடிப்படையில், நாட்டின் எரிவாயு விலையை திருத்துவதற்கான பரிந்துரைகள் லிட்ரோ நிறுவனத்தால் நிதி அமைச்சுக்கு சமர்ப்பிக்கப்பட்டது.
இந்த பரிந்துரைகள் கடந்த மாதத்தின் முதல் வாரத்தில் நிதி அமைச்சின் ஒப்புதலுக்காக சமர்ப்பிக்கப்பட்ட நிலையில், இதுவரை எரிவாயு விலை திருத்தத்திற்கு இணையான ஒப்புதல் கிடைக்கவில்லை என லிட்ரோ நிறுவனம் அறிவித்துள்ளது.
இதன் அடிப்படையில், இம்மாதத்திற்கான லிட்ரோ சமையல் எரிவாயு விலையில் எந்தவொரு மாற்றமும் செய்யப்படவில்லை என தெரிவிக்கப்பட்டுள்ளது.
