பூநகரி சங்குப்பிட்டி பாலம் அருகே அடையாளம் தெரியாத இளம் பெண்ணின் சடலம் மீட்பு!
கிளிநொச்சி, பூநகரிப் பகுதியில் உள்ள சங்குப்பிட்டிப் பாலம் அருகே, அடையாளம் காணப்படாத இளம் பெண்ணின் சடலம் ஒன்று நேற்று (அக்டோபர் 12, 2025) மீட்கப்பட்டுள்ளது.
மீட்கப்பட்ட பெண் சுமார் 20 முதல் 25 வயதுக்கு உட்பட்டவர் எனவும், ஒரு சில நாட்களுக்கு முன்னர் இவர் உயிரிழந்திருக்கலாம் என்றும் பொலிஸார் தெரிவித்துள்ளனர். எனினும், உயிரிழந்த பெண் இதுவரை அடையாளம் காணப்படவில்லை.
கிளிநொச்சி நீதவான் நீதிமன்றப் பதில் நீதவான் எஸ். சிவ பாலசுப்பிரமணியம் சம்பவ இடத்திற்குச் சென்று பார்வையிட்ட பின்னர், சடலத்தை மீட்க உத்தரவிட்டார்.
மீட்கப்பட்ட சடலம் தற்போது பிரேத பரிசோதனைக்காக கிளிநொச்சி மாவட்டப் பொது வைத்தியசாலையில் ஒப்படைக்கப்பட்டுள்ளது.
இந்தச் சம்பவம் தொடர்பில் பூநகரிப் பொலிஸார் மேலதிக விசாரணைகளை மேற்கொண்டு வருகின்றனர்.
