இலங்கையில் ஒரே நாளில் வீதி விபத்துக்களில் அதிகமானோர் மரணம்.!

இன்று அதிகாலை 6.00 மணியுடன் முடிவடையும் கடந்த 24 மணிநேரத்துக்குள் பல்வேறுபட்ட பகுதியில் இடம்பெற்ற வீதி விபத்துகளில் சிக்குண்டு சுமார் 15 பேர் வரை உயிரிழந்துள்ளதாக பொலிஸார் தெரிவித்துள்ளனர் .

நேற்று மட்டும் பதிவு செய்யப்பட்ட வீதி விபத்துக்களில் சிக்கி 11 பேர் உயிரிழந்தாகவும்,

ஏனைய நான்கு பேர் முன்னதாக ஏற்பட்ட விபத்துக்களில் சிக்குண்டு காயங்களுக்குள்ளாகி வைத்தியசாலையில் சிகிச்சை பெற்று வந்தவர்கள் எனவும் பொலிஸ் ஊடகப் பேச்சாளரும் , பிரதிப் பொலிஸ் மா அதிபருமான அஜித் ரோஹன தெரிவித்தார்.

இந்நிலையில் நேற்றைய தினம் மாத்திரம் நாடு பூராகவும் 120 க்கு அதிகமான வீதி விபத்துக்கள் சம்பவித்துள்ளது .

இதில் சுமார் 40 பேர் காயமடைந்துள்ளதாகவும் அவர் தெரிவித்தார் .