ஈரானின் சவுத் பார்ஸ் எரிவாயு வயலின் மீது இஸ்ரேல் நடத்திய தாக்குதல் குறித்து அமெரிக்காவிற்கு எதுவுமே தெரியாது – ட்ரம்ப் தெரிவிப்பு
ஈரானின் சவுத் பார்ஸ் எரிவாயு வயலின் ஒரு பகுதி மீது இஸ்ரேல் நடத்திய தாக்குதல் குறித்து அமெரிக்காவிற்கு முன்னரே தெரியாது என ஜனாதிபதி ட்ரம்ப் பகிரங்கமாகத் தெரிவித்துள்ளார். பிப்ரவரி 28 முதல் அமெரிக்காவும் இஸ்ரேலும் இணைந்து போரைத் தொடங்கிய நிலையில், இந்தத் தாக்குதல் விவகாரத்தில் இரு நாடுகளுக்கும் இடையே ஒருங்கிணைப்பு இல்லாதிருப்பதை ட்ரம்ப்பின் இந்த அறிக்கை உறுதிப்படுத்தியுள்ளது.
இஸ்ரேலின் தாக்குதலுக்குப் பழிவாங்க ஈரானால் குறிவைக்கப்பட்ட கட்டார் நாட்டிற்கும், இந்தச் சம்பவத்திற்கும் எந்தத் தொடர்பும் இல்லை என ட்ரம்ப் நியாயப்படுத்தியுள்ளார். “இனி வரும் காலங்களில் சவுத் பார்ஸ் வயல் மீது இஸ்ரேல் தாக்குதல் நடத்தாது; ஆனால், ஈரான் மீண்டும் அப்பாவி நாடான கட்டார் மீது கை வைத்தால், முழு எரிவாயு வயலையும் அமெரிக்கா தரைமட்டமாக்கும்” என அவர் எச்சரித்துள்ளார்.
