மோசமான வானிலை – பாதிக்கப்பட்டோரின் எண்ணிக்கை மேலும் அதிகரிப்பு
கடந்த 13ஆம் தேதி முதல் தொடர்ந்துவரும் மோசமான வானிலையால் 27,751 குடும்பங்களைச் சேர்ந்த 92,471 பேர் பாதிக்கப்பட்டுள்ளனர்.
அனர்த்த முகாமைத்துவ மையம் வெளியிட்ட அறிக்கையில், மேல் மாகாணம் தவிர மற்ற அனைத்து மாகாணங்களிலும் மோசமான வானிலை பாதிப்புகளை ஏற்படுத்தியுள்ளதாக தெரிவிக்கப்படுகிறது.
சமீபத்திய கனமழையினால் கிழக்கு மாகாணம் மிகுந்த பாதிப்புக்கு உள்ளாகி, அம்பாறை, மட்டக்களப்பு மற்றும் திருகோணமலை மாவட்டங்களில் 17,952 குடும்பங்களைச் சேர்ந்த 56,878 பேர் பாதிக்கப்பட்டுள்ளனர்.
வட மாகாணத்தில் கிளிநொச்சி, யாழ்ப்பாணம், வவுனியா மற்றும் மன்னார் மாவட்டங்களில் 7,970 குடும்பங்களைச் சேர்ந்த 29,299 பேர் பாதிக்கப்பட்டுள்ளனர் என்று அனர்த்த முகாமைத்துவ மையம் மேலும் தெரிவித்துள்ளது.
வடமத்திய மாகாணத்தில், அனுராதபுரம் மற்றும் பொலன்னறுவை மாவட்டங்களில் 1,369 குடும்பங்களைச் சேர்ந்த 4,599 பேர் பாதிக்கப்பட்டுள்ளனர்.
இதற்கிடையில், மோசமான வானிலை காரணமாக 319 வீடுகள் பகுதியளவில் சேதமடைந்துள்ளதாகத் தெரியவந்துள்ளது.
நேற்று (26ஆம் தேதி) நிலவரப்படி, சில மாகாணங்களில் 142 குடும்பங்களைச் சேர்ந்த 438 பேர் பாதுகாப்பான இடங்களில் தங்கியுள்ளதாக அனர்த்த முகாமைத்துவ மையம் மேலும் தெரிவித்துள்ளது.
