தமிழக வெற்றி கழகத் தலைவர் விஜய்க்கு நாமல் ராஜபக்ச வாழ்த்து!
தமிழக வெற்றி கழகத்தின் தலைவரும், பிரபல நடிகருமான விஜய் அரசியலில் முழுமையாகத் தடம் பதித்துள்ள நிலையில், அவருக்கு இலங்கை நாடாளுமன்ற உறுப்பினர் நாமல் ராஜபக்ச தனது அதிகாரப்பூர்வ எக்ஸ் தளத்தில் வாழ்த்து தெரிவித்துள்ளார்.
விஜய் எப்போதும் எனக்கு மிகவும் பிடித்தமான கலைஞர்களில் ஒருவர். திரையுலகில் அவரது பயணமும், வெள்ளித்திரையில் அவர் வெளிப்படுத்திய துடிப்பான ஆற்றலும் உண்மையிலேயே தனித்துவமானவை, என்றும் மறக்க முடியாதவை.
திரையுலகின் இந்தப் பக்கத்தை நிறைவு செய்துவிட்டு அவர் தனது புதிய பயணத்தைத் தொடங்கும்போது, அவரது அந்தத் துடிப்பையும் ஆளுமையையும் சினிமா உலகம் நிச்சயமாக இழக்கும்.
அவர் மேற்கொள்ளும் புதிய முயற்சிகள் அனைத்திலும் பெரும் வெற்றியும் சிறப்பும் கிடைக்க மனதார வாழ்த்துகின்றேன் என பதிவிட்டுள்ளார்.
