ஈரானின் அமைதித் திட்டத்தை நிராகரிக்கிறாரா ட்ரம்ப்? – பாகிஸ்தான் மத்தியஸ்தத்தால் ஏற்பட்ட புதிய திருப்பம்!
ஈரானுக்கும் அமெரிக்காவுக்கும் இடையே நிலவும் மோதலைத் தணிக்க, பாகிஸ்தான் ஊடாக ஈரான் ஒரு புதிய 14 அம்ச அமைதித் திட்டத்தை அமெரிக்காவிடம் சமர்ப்பித்துள்ளது.
இதில் அமெரிக்கப் படைகளைத் திரும்பப் பெறுதல், துறைமுக முற்றுகையை நீக்குதல் மற்றும் லெபனான் மீதான தாக்குதல்களை நிறுத்துதல் போன்ற முக்கிய கோரிக்கைகள் இடம்பெற்றுள்ளன.
இந்தத் திட்டத்திற்கு அமெரிக்காவிடமிருந்து பதில் கிடைத்துள்ளதாக ஈரானிய வெளியுறவு அமைச்சகம் தெரிவித்துள்ளது.
இந்த முன்மொழிவு குறித்துத் தனது ‘ட்ரூத் சோஷியல்’ தளத்தில் பதிவிட்டுள்ள ஜனாதிபதி ட்ரம்ப், ஈரானின் திட்டத்தை தான் பரிசீலிப்பதாகக் கூறினாலும், அது ஏற்றுக்கொள்ளக்கூடியதாக இருக்கும் என்று தான் நினைக்கவில்லை எனத் தெரிவித்துள்ளார்.
“கடந்த 47 ஆண்டுகளில் உலகுக்கு அவர்கள் செய்த செயல்களுக்காக இன்னும் போதுமான விலையை ஈரான் கொடுக்கவில்லை” என அவர் கடுமையாக விமர்சித்துள்ளார்.
மேலும், இந்தத் திட்டம் ஈரானுக்குச் சாதகமாக இருப்பதாகவும், அமெரிக்காவின் நலன்களைப் பாதுகாப்பதில் தான் உறுதியாக இருப்பதாகவும் அவர் குறிப்பிட்டுள்ளார்.
