இந்த எண்ணெய்களில் சமைக்காதீங்க!
தற்கால அவசர உலகில் பெரும்பாலான மக்கள் தங்களது உணவுப் பழக்கவழக்கங்களில் போதிய கவனம் செலுத்துவதில்லை.
குறிப்பாக, சமையல் எண்ணெய்களைத் தேர்ந்தெடுப்பதில் செய்யும் தவறுகளே காரணமே இல்லாமல் உடலில் கெட்ட கொழுப்பு (LDL) அதிகரிக்க வழிவகுக்கிறது.
இனிப்புப் பண்டங்கள் மற்றும் துரித உணவுகளில் (Fast Foods) அதிகம் பயன்படுத்தப்படும் பனை எண்ணெயில் (Palm Oil) நிறைவுற்ற கொழுப்பு மிக அதிகமாக உள்ளது.
இதிலிருந்து ஆன்டிஆக்ஸிடன்ட்கள் நீக்கப்படுவதால், இது இதய நோய் அபாயத்தைப் பன்மடங்கு உயர்த்துகிறது.
அதேபோல், நாம் பரவலாகப் பயன்படுத்தும் சுத்திகரிக்கப்பட்ட சூரியகாந்தி எண்ணெயில் (Refined Sunflower Oil) ஒமேகா-6 கொழுப்பு அமிலங்கள் அதிகமாக உள்ளன. இதனை அதிக வெப்பநிலையில் பதப்படுத்தும் போது அத்தியாவசிய ஊட்டச்சத்துக்கள் அழிந்து, உடலில் அழற்சி மற்றும் உடல் பருமனை ஏற்படுத்துகிறது.
மேலும், ஆரோக்கியமானது என்று நம்பப்படும் அரிசித் தவிடு எண்ணெய் (Rice Bran Oil), ‘ஹெக்ஸைன்’ (Hexane) என்ற ஆபத்தான வேதிப்பொருளைப் பயன்படுத்தித் தீவிரமாகச் சுத்திகரிக்கப்படுவதால் உடலுக்குத் தீங்காக மாறுகிறது.
சோளம், கனோலா மற்றும் பாமாயில் ஆகியவற்றின் கலவைகளான பொதுவான தாவர எண்ணெய்களும் (Vegetable Oils) அதிக சுத்திகரிப்புக்கு உள்ளாக்கப்படுவதால் தங்களது நன்மைகளை இழக்கின்றன.
குறிப்பாகச் சோள எண்ணெயில் (Corn Oil) இதயத்திற்குப் பாதுகாப்பு அளிக்கும் ஒமேகா-3 கொழுப்பு மிகக் குறைவாகவும், உடலில் வீக்கத்தை ஏற்படுத்தும் ஒமேகா-6 அதிகமாகவும் உள்ளது.
எனவே, ஆரோக்கியமான வாழ்விற்கு இதுபோன்ற சுத்திகரிக்கப்பட்ட (Refined) எண்ணெய்களை முற்றிலும் தவிர்த்து, பாரம்பரிய செக்கு எண்ணெய்களைப் பயன்படுத்துவதே சிறந்தது என மருத்துவர்கள் அறிவுறுத்துகின்றனர்.
