விபத்திற்கு உள்ளான ஏர் கனடா விமானம் – நியூயோர்க் விமான நிலையம் தற்காலிகமாக மூடல்
அமெரிக்காவின் நியூயோர்க் நகரில் உள்ள லாகார்டியா (LaGuardia) விமான நிலையத்தில் இன்று (23.03.2026) அதிகாலை ஏர் கனடா எக்ஸ்பிரஸ் (Air Canada Express) விமானம் ஒன்று பாரிய விபத்துக்குள்ளாகியுள்ளது.
மொண்ட்ரியலில் இருந்து வந்த இந்த விமானம், ஓடுதளத்தில் தரையிறங்கியபோது அங்கிருந்த ‘ட்ரக் 1’ என்ற தீயணைப்பு வாகனத்தின் மீது பயங்கரமாக மோதியுள்ளது.
இந்தத் துரதிர்ஷ்டவசமான விபத்தில் ஒருவர் உயிரிழந்துள்ளதோடு, இரு தீயணைப்பு வீரர்கள் உட்பட 70-க்கும் மேற்பட்டோர் காயமடைந்துள்ளதாகத் தெரிவிக்கப்படுகிறது.
இந்த விபத்தைத் தொடர்ந்து லாகார்டியா விமான நிலையம் உடனடியாக மூடப்பட்டு, அனைத்து விமானப் போக்குவரத்துகளும் நிறுத்தி வைக்கப்பட்டுள்ளன.
விபத்து நடந்த சமயத்தில் அப்பகுதியில் மிகவும் மோசமான வானிலை நிலவியதே இந்த மோதலுக்கு முக்கியக் காரணம் என முதற்கட்டத் தகவல்கள் தெரிவிக்கின்றன.
ஓடுதளத்தில் தீயணைப்பு வாகனம் குறுக்கே வந்ததற்கான காரணம் மற்றும் விமானக் கட்டுப்பாட்டு அறையின் வழிகாட்டல்கள் குறித்து அமெரிக்க மத்திய விமானப் போக்குவரத்து ஆணையம் (FAA) விரிவான விசாரணையைத் தொடங்கியுள்ளது.
விமான நிலையத்தின் பாதுகாப்பு ஏற்பாடுகளில் ஏற்பட்டுள்ள இந்த பாரிய குறைபாடு சர்வதேச விமானப் போக்குவரத்துத் துறையில் பெரும் அதிர்ச்சியை ஏற்படுத்தியுள்ளது.
