தவறான ரயிலில் ஏறிவிட்டேன்! – விவாகரத்து குறித்து முதன்முறையாகப் பேசிய நடிகை ஹன்சிகா
நடிகை ஹன்சிகா மோத்வானி, கடந்த 2022-ஆம் ஆண்டு மும்பையைச் சேர்ந்த தொழிலதிபர் சொஹைல் கத்துறியாவைத் திருமணம் செய்துகொண்டார்.
எனினும், இவர்களது திருமண வாழ்க்கை நீண்டகாலம் நீடிக்காத நிலையில், இருவரும் பிரிந்து வாழ்ந்து வந்தனர்.
இதனைத் தொடர்ந்து கடந்த 2026 மார்ச் மாதம் இவர்கள் சட்டப்படி விவாகரத்து பெற்றுக்கொண்டனர். இந்த நிலையில், தனது விவாகரத்து குறித்து முதன்முறையாகப் பேசியுள்ள ஹன்சிகா, “தவறான ரயிலில் ஏறிவிட்டு கஷ்டப்படுவதை விட, அதிலிருந்து இறங்கிவிடுவது சிறந்தது” எனத் தெரிவித்துள்ளார்.
தனது முடிவுக்காக தான் எவ்விதத்திலும் வருத்தப்படவில்லை எனத் தெரிவித்துள்ள அவர், தனது குடும்பத்தினர் தனக்கு எவ்வித அழுத்தத்தையும் கொடுக்கவில்லை என்றும், அவர்களின் முழுமையான ஆதரவு தனக்கு இருப்பதாகவும் கூறியுள்ளார்.
“வாழ்க்கையில் சில முடிவுகள் கடினமானவை என்றாலும், தற்போது நான் மிகவும் மகிழ்ச்சியாக இருக்கிறேன்” என ஹன்சிகா தனது பேட்டியில் குறிப்பிட்டுள்ளார். விவாகரத்திற்குப் பின் மீண்டும் திரைப்படங்களில் கவனம் செலுத்தி வரும் ஹன்சிகாவின் இந்தத் துணிச்சலான பேச்சு, அவரது ரசிகர்கள் மத்தியில் பெரும் வரவேற்பைப் பெற்றுள்ளது.
