தமிழகத் தேர்தல் வரலாற்றில் புதிய சாதனை! மாலை 5 மணி 82.24% வாக்குகள் பதிவு
தமிழகமே எதிர்பார்த்த 2026 சட்டமன்றத் தேர்தல் வாக்குப்பதிவு, மாநில வரலாற்றில் முன்னெப்போதும் இல்லாத புதிய உச்சத்தைத் தொட்டுள்ளது. இன்று மாலை 5 மணி நிலவரப்படி, தமிழகம் முழுவதும் 82.24 சதவீத வாக்குகள் பதிவாகிப் புதிய சாதனை படைக்கப்பட்டுள்ளது.
இது கடந்த 2021 ஆம் ஆண்டுத் தேர்தலை விட (63.60%) சுமார் 18.64 சதவீதம் அதிகமாகும். மாலை 5 மணி வரை மட்டும் சுமார் 4.71 கோடி வாக்காளர்கள் தங்களது ஜனநாயகக் கடமையை ஆற்றியுள்ளனர். கடந்த தேர்தலில் பதிவான மொத்த வாக்குகளை விட, இம்முறை மாலை 5 மணிக்கே 13 லட்சம் வாக்குகள் கூடுதலாகப் பதிவாகியுள்ளன.
மாவட்ட ரீதியாகப் பார்க்கும் போது, கரூர் மாவட்டம் 89.32 சதவீத வாக்குப்பதிவுடன் மாநிலத்திலேயே முதலிடம் பிடித்துள்ளது. பிற்பகல் 3 மணி முதல் மாலை 5 மணி வரையிலான கடந்த இரண்டு மணி நேரத்தில் மட்டும் சுமார் 70 லட்சம் வாக்குகள் பதிவாகியுள்ளன.
தமிழக வெற்றிக் கழகத் தலைவர் விஜய் விடுத்த வேண்டுகோள் மற்றும் போக்குவரத்துச் சிக்கல்களுக்கு மத்தியிலும், மக்கள் காட்டிய இந்த அபரிமிதமான ஆர்வம் அரசியல் நோக்கர்களை ஆச்சரியத்தில் ஆழ்த்தியுள்ளது. மாலை 6 மணிக்குப் பின்னரும் பல இடங்களில் மக்கள் வரிசையில் நிற்பதால், இறுதி வாக்குப்பதிவு சதவீதம் 85-ஐத் தாண்டும் என எதிர்பார்க்கப்படுகிறது.
