இலங்கையில் துப்பாக்கிச் சூடு: சிறுமி உட்பட மூவர் காயம்
இன்று அதிகாலை, அவிசாவளை – கொஸ்கம, சுதுவெல்ல பகுதியில் நிகழ்ந்த துப்பாக்கிச் சூட்டில், 12 வயது சிறுமி மற்றும் அவரது தாயார் உட்பட மூவர் காயமடைந்துள்ளனர்.
முச்சக்கரவண்டியில் பயணித்துக் கொண்டிருந்தபோது, மோட்டார் சைக்கிளில் வந்த இருவர் பிஸ்டல் துப்பாக்கியால் சுட்டுள்ளனர் என பொலிஸார் தெரிவித்தனர்.
காயமடைந்தவர்கள், 30 வயதான தாய், அவரது 12 வயது மகள், மற்றும் 44 வயதுடைய ஆண் ஒருவர் — இவர்கள் மூவரும் அவிசாவளை பகுதிக்காரர்கள் என உறுதி செய்யப்பட்டுள்ளது.
இவர்கள் தற்போது அவிசாவளை வைத்தியசாலையில் சிகிச்சை பெற்று வருகின்றனர்.
துப்பாக்கிச் சூட்டுக்கான காரணம் இன்னும் தெரியவில்லை, மேலும் சந்தேக நபர்கள் கைதாகவில்லை. கொஸ்கம பொலிஸார் விசாரணையை தீவிரமாக மேற்கொண்டு வருகின்றனர்.
