88-ஆவது அகவையில் ஜனாதிபதியின் தாயார்!
2026 ஏப்ரல் நிலவரப்படி, ஜனாதிபதி அநுர குமார திசாநாயக்கவின் தாயார் சீலாவதி அவர்கள் தனது 88-ஆவது பிறந்தநாளைச் சிறப்பாகக் கொண்டாடியுள்ளார்.
ஒரு சாதாரண இல்லத்தரசியாகத் தனது மகனை நாட்டின் மிக உயரிய பதவிக்கு வளர்த்தெடுத்த இவருக்கு, சமூக வலைத்தளங்களில் பலரும் தங்களது வாழ்த்துக்களைத் தெரிவித்து வருகின்றனர்.
ஜனாதிபதி அநுர குமாரவின் தந்தை ஒரு நில அளவை திணைக்கள ஊழியராகப் பணியாற்றிய நிலையில், மிகவும் எளிமையான குடும்பப் பின்னணியில் இருந்து இந்த சாதனைப் பயணம் தொடங்கியுள்ளமை குறிப்பிடத்தக்கது.
“உன் மகன் ஒரு நாள் நாட்டை ஆள்வான்” என்று அநுர பிறந்த 6 மாதத்தில் ஜோதிடர் கூறிய கணிப்பை, சீலாவதி அவர்கள் நெகிழ்ச்சியுடன் நினைவு கூர்ந்துள்ளார்.
மேலும், அநுரவிற்கு 12 வயதாக இருந்தபோது அவரைத் துறவறத்திற்கு (பிக்குவாக) அனுப்புமாறு ஒரு பௌத்த மதகுரு கேட்டுக்கொண்ட போதிலும், அதற்குச் சம்மதிக்காமல் அவரை ஒரு சிறந்த தலைவனாக உருவாக்கிய பெருமை சீலாவதி அவர்களையே சாரும்.
இந்த நாட்டு ஜனாதிபதியின் தாய் என்ற முறையில், அவருக்கு ‘ஜெட் தமிழ் நியூஸ்’ சார்பாக இனிய பிறந்தநாள் வாழ்த்துக்களைத் தெரிவித்துக் கொள்கிறோம்.
