யுஎஸ்எஸ் ஆபிரகாம் லிங்கன்’ கப்பலின் அதிரடித் தாக்குதல் தொடரும்!

யுஎஸ்எஸ் ஆபிரகாம் லிங்கன்’ கப்பலின் அதிரடித் தாக்குதல் தொடரும்!

ஈரானின் இராணுவ இலக்குகள் மீது வான்வழித் தாக்குதல்களை முன்னெடுப்பதற்காக, மத்திய கிழக்கு பிராந்தியக் கடல் எல்லைகளில் நிலைகொண்டுள்ள ‘யுஎஸ்எஸ் ஆபிரகாம் லிங்கன்’ (USS Abraham Lincoln) போர்க்கப்பல் தனது நடவடிக்கைகளைத் தடையின்றித் தொடரும் என அமெரிக்கா உத்தியோகபூர்வமாக அறிவித்துள்ளது.

ஈரானின் ‘க்ரூஸ்’ (Cruise) ஏவுகணைத் தாக்குதல்களால் இக்கப்பல் சேதமடைந்து தனது நிலையை மாற்றியதாக ஈரான் வெளியிட்ட தகவல்களை அமெரிக்கா முற்றாக நிராகரித்துள்ளது.

முன்னதாக, தமது ஏவுகணைகள் அமெரிக்கப் போர்க்கப்பலைத் தாக்கியதாகவும், அதனால் அமெரிக்கப் படைகள் பின்வாங்க வேண்டிய நிலை ஏற்பட்டதாகவும் ஈரான் உரிமை கோரியிருந்தது.

ஆனால், அமெரிக்கப் பாதுகாப்பு அதிகாரிகள் இதனை மறுத்துள்ளதுடன், திட்டமிட்டபடி ஈரானிய இலக்குகள் மீது குறித்த போர்க்கப்பலிலிருந்து போர் விமானங்கள் தொடர்ந்து குண்டுமழை பொழிந்து வருவதாகத் தெரிவித்துள்ளனர். தமது நடவடிக்கைகளுக்கு எவ்விதத் தடையுமில்லை என்றும் அவர்கள் திட்டவட்டமாகக் கூறியுள்ளனர்.