உலகின் மிகப்பெரிய அரியவகை ஊதா மாணிக்கக்கல் இலங்கையில் அறிமுகம்!
இலங்கையின் இரத்தினபுரி மண்ணில் கண்டெடுக்கப்பட்ட, உலகின் மிகப்பெரிய மற்றும் அதிக பெறுமதி வாய்ந்த அரியவகை ஊதா நிற நட்சத்திர மாணிக்கக்கல் (Star Purple Sapphire) கொழும்பில் உத்தியோகபூர்வமாக அறிமுகப்படுத்தப்பட்டது.
இந்த அரிய கல்லிற்கு ‘Star of Pure Land’ எனப் பெயரிடப்பட்டுள்ளது.
இது 3,563 கரட் எடையைக் கொண்டது. உலகில் இதுவரை கண்டறியப்பட்ட ஊதா நிற நட்சத்திர மாணிக்கக்கற்களில் இதுவே மிகப்பெரியது என்பது உறுதிப்படுத்தப்பட்டுள்ளது.
இதன் சந்தை பெறுமதி 300 முதல் 400 மில்லியன் அமெரிக்க டொலர்கள் என மதிப்பிடப்பட்டுள்ளது.
இயற்கையான ஊதா நிறத்தைக் கொண்டுள்ள இக்கல்லின் நடுவே, ஒளி படும்போது ‘ஆறு கதிர்களைக் கொண்ட நட்சத்திர வடிவம் தோன்றுவது இதன் தனிச்சிறப்பாகும்.
இலங்கை மாணிக்கக்கல் ஆய்வுகூடத்தின் பிரதம இரத்தினக்கல் ஆய்வாளர் அஷான் அமரசிங்க, இந்தக்கல் விஞ்ஞான ரீதியாகப் பரிசோதிக்கப்பட்டு அதன் உண்மைத் தன்மை உறுதிப்படுத்தப்பட்டுள்ளதாகத் தெரிவித்தார்.
