உணவு விநியோகத்திற்குத் தடையின்றி எரிபொருள்!
மத்திய கிழக்கில் நிலவும் போர்ச் சூழல் காரணமாக உள்நாட்டில் எரிபொருள் விநியோகத்தில் பாதிப்புகள் ஏற்படக்கூடும் எனக் கருதப்படுகிறது.
இதனைத் தவிர்க்கும் பொருட்டு, உணவு விநியோகத் துறையில் ஈடுபட்டுள்ள வாகனங்களின் எரிபொருள் தேவையைத் துல்லியமாகக் கண்டறிய வர்த்தக மற்றும் உணவுப் பாதுகாப்பு அமைச்சு தீர்மானித்துள்ளது.
இதற்கமைய, விநியோகத்தர்களின் தரவுகளைச் சேகரிக்கும் விசேட செயற்திட்டம் தற்போது ஆரம்பிக்கப்பட்டுள்ளது.
போக்குவரத்து அல்லது விநியோக நடவடிக்கைகளில் ஈடுபட்டு, இதுவரை எந்தவொரு அமைச்சின் கீழோ அல்லது அரசாங்கத்தின் உத்தியோகபூர்வ ஆவணங்களிலோ பதிவு செய்யப்படாத விநியோகத்தர்கள் மாத்திரமே இதில் உள்வாங்கப்படவுள்ளனர்.
ஏற்கனவே அரச கட்டமைப்பில் பதிவு செய்துள்ளவர்கள் பழைய நடைமுறைகளையே பின்பற்றுமாறு கேட்டுக்கொள்ளப்பட்டுள்ளனர்.
திரட்டப்படும் தரவுகளின் அடிப்படையில், இலங்கை பெற்றோலியக் கூட்டுத்தாபனத்திற்குத் தேவையான பரிந்துரைகள் வழங்கப்படவுள்ளன.
விநியோகத்தர்கள் தமது தரவுகளை வழங்குவதற்குப் பிரத்யேகமாக உருவாக்கப்பட்டுள்ள கூகுள் படிவ இணையத்தள முகவரியைப் பயன்படுத்த முடியும்.
உணவு விநியோகச் செயற்பாடுகளைத் தங்குதடையின்றி முன்னெடுப்பதன் மூலம் நாட்டில் உணவுத் தட்டுப்பாடு ஏற்படுவதைத் தடுப்பதே இதன் பிரதான நோக்கமாகும்.
விநியோகத்தர்கள் எதிர்கொள்ளும் நடைமுறைச் சிக்கல்களை இனங்கண்டு அவற்றுக்குத் தீர்வு காணவும் இந்தத் திட்டம் வழிவகுக்கும் என எதிர்பார்க்கப்படுகிறது.
விநியோகத்தர்கள் தமது தரவுகளை வழங்குவதற்கு https://forms.gle/EPPu4bciG6onEptT9 எனும் இணையத்தளத்தினூடாக உட்பிரவேசிக்க முடியும்.
