இஸ்ரேலின் அணுவாராய்ச்சி நிறுவனத்தை பார்வையிடும் கமேனி : ஈரான் வெளியிட்ட புதிய காணொளி
ஈரானின் புதிய உச்ச தலைவர் மொஜ்தபா கமேனி (Mojtaba Khamenei), முதல் முறையாக இராணுவ நடவடிக்கைகளுக்கான கட்டுப்பாட்டு அறையைப் பார்வையிடும் புதிய காணொளியை ஈரான் வெளியிட்டுள்ளது.
இந்தக் காணொளியில் மிக முக்கியமான அம்சம் என்னவென்றால், அங்குள்ள ஒரு பெரிய திரையில் இஸ்ரேலின் ரகசிய டிமோனா (Dimona) அணு ஆராய்ச்சி நிறுவனத்தின் விரிவான வரைபடங்கள் மற்றும் அதன் இருப்பிடத் தொலைவு ஆகியவை மிகத் தெளிவாகக் காட்டப்பட்டுள்ளன.
இது இஸ்ரேலுக்கு ஈரான் விடுத்துள்ள நேரடி அணுப்போர் எச்சரிக்கையாகவே பார்க்கப்படுகிறது.
இஸ்ரேலில் உள்ள இந்த டிமோனா நிறுவனம், சுமார் 80 முதல் 200 வரையிலான அறிவிக்கப்படாத அணு ஆயுதங்களைக் கொண்டிருப்பதாக சர்வதேச அளவில் நம்பப்படுகிறது.
ஈரானின் இந்தத் திரையில், அந்த இடத்தைத் தாக்குவதற்கான தூரம் மற்றும் துல்லியமான இருப்பிடத் தரவுகள் இடம்பெற்றிருப்பது பென்டகன் மற்றும் இஸ்ரேலிய உளவுத்துறையை அதிரவைத்துள்ளது. இது ஈரானின் ஏவுகணைகள் டிமோனாவைத் தாக்கத் தயாராக இருப்பதை உலகிற்கு உணர்த்தும் முயற்சியாகும்.
ஈரான் வெளியிட்டுள்ள இந்தக் காணொளி உண்மையான நேரலைப் பதிவா அல்லது செயற்கை நுண்ணறிவைப் (AI) பயன்படுத்தி உருவாக்கப்பட்டதா என்பது குறித்து இன்னும் உறுதிப்படுத்தப்படவில்லை.
