இந்திய கிரிக்கெட் வீரர் ரவிச்சந்திரன் அஸ்வின், உலக டெஸ்ட் சாம்பியன்ஷிப் போட்டிகளில் மட்டும் 100 விக்கெட் எடுத்து சாதனை படைத்துள்ளார்.
தனது அபார பந்துவீச்சின் மூலம் தொடர்ந்து பல்வேறு சாதனைகளை படைத்து வரும் அஸ்வின், தற்போது புதிய சாதனை ஒன்றையும் படைத்துள்ளார்.
அவர் உலக டெஸ்ட் சாம்பியன்ஷிப் போட்டிகளில் 100 விக்கெட்டுகளை வீழ்த்தியுள்ளார்.
கடந்த உலக டெஸ்ட் சாம்பியன்ஷிப் தொடரில் 14 போட்டிகளில் 71 விக்கெட் மற்றும் நடப்பு தொடரில் 7 டெஸ்டில் 29 விக்கெட் என மொத்தம் 21 போட்டிகளில் அவர் 100 விக்கெட்டுகளை சாய்த்துள்ளார்.
உலக டெஸ்ட் சாம்பியன்ஷிப்பில் இந்த மைல்கல்லை எட்டிய முதல் வீரர் அஸ்வின் ஆவார். 35 வயதான அஸ்வின், 86 டெஸ்ட் போட்டிகளில் விளையாடி 442 டெஸ்ட் விக்கெட்டுகளை வீழ்த்தியுள்ளார்.
